Javën e fundit në Japoni 23 persona humbën jetën për shkak të temperaturave të larta. Agjencia e Menaxhimit të Zjarrit dhe Fatkeqësive njoftoi se 8.122 njerëz u shtruan në spital gjatë periudhës nga 19-25 korrik për shkak të goditjes nga nxehtësia. Agjencia njoftoi se 23 prej tyre humbën jetën dhe më shumë se 3.000 persona të tjerë janë në gjendje serioze. Autoritetet raportojnë se më shumë se gjysma e personave që kërkuan ndihmë të specializuar për shkak të të nxehtit, ishin mbi 65-vjeç, gjithsej 2.627 persona ishin midis moshës 18 deri 64-vjeç dhe 800 nën moshën 17-vjeçare.