Gjykata Themelore në Prishtinë ka urdhëruar një muaj paraburgim për Ramadan Morinën, i arrestuar të martën nën dyshimin për krime lufte kundër popullatës civile gjatë vitit 1999 në Kosovë. Prokuroria Speciale e Kosovës thotë se Morina dyshohet se mori pjesë në masakrimin e 34 civilëve shqiptarë më 29-31 mars të vitit 1999 në një fshat të Malishevës, në juglindje të vendit, në bashkëpunim me me pjesëtarë të forcave policore dhe ushtarake serbe. Prokuroria tha se kundër të akuzuarit ka siguruar prova materiale, përfshirë dëshmi të dëshmitarëve të ngjarjes dhe të të mbijetuarve. Që prej përfundimit të luftës, dhjetëra persona janë dënuar për krime lufte para institucioneve vendore dhe ndërkombëtare. Më shumë se 13.000 civilë të vrarë dhe mijëra të tjerë të zhdukur, është bilanci i luftës së fundit në Kosovë më 1998-1999.