Hetimi për vrasjen e 38 vjecarit Fatjon Dervishi në Katund të Sukthit është shtrirë në disa pista, ndërsa paraprakisht dyshohet se ngjarja ndodhi për larje hesapesh. Një nga pistat ku po heton policia dyshohet se ka të bëjë me vëllain e viktimës Fatbardh Dervishin, për një ngjarje në nisje të vitit 2022. Bëhet fjalë për plagosjen e të dashurës së tij të moshës 23 vjec në një dhomë hoteli në Durrës, teksa ata po festonin bashkë vitin e ri. Në atë kohë e reja e shfajësoi Dervishin duke deklaruar se ishte një ngjarje pa dashje, po në gjykatën e Durrësit vijon gjykimi ndaj tij për plagosje të lehtë. Trupa gjykuese caktoi masën e sigurisë Arrest në burg”, në mungesë, për plagosje të rendë me dashje dhe armëmbajtje pa leje. Një tjetër pistë, dyshohet se ka lidhje me pazaret e drogës, aktivitet në të cilin ishte i përfshirë vëllai i vitimës Fatbardh Dervishi. Ky i fundit aktualisht ndodhet në një burg të Spanjës, i arrestuar si i përfshirë në tregtinë e lëndëve narktoike.