Nën kërcënimin e armës së gjahut një 18 vjeçar ka grabitur një argjendari në bulevardin “Ismail Qemali” në Vlorë. Mësohet se ngjarja ka ndodhur rreth orës 11:05 ku një person i maskuar me syze dhe kapelë nën kërcënimin e armës së zjarrit ka vjedhur disa bizhuteri duke i futur në çantë. Autoritetet policore kanë reaguar në kohë duke bërë të mundur që autori i dyshuar Martin Kapllanaj, 18 vjeç të kapet dhe prangoset në afërsi të lagjes “Isa Boletini” në Vlorë. Shërbimet e Policisë kanë sekuestruar në cilësinë e provës materiale bizhuteritë e vjedhura dhe armën e gjahut me të cilën kërcënoi pronaren e argjendarisë, e cila ka pohuar se kjo nuk është hera e parë që tentohet t’i grabitet argjendaria. Në drejtimin e Prokurorisë vijon puna për sqarimin e plotë të rrethanave të ngjarjes.