Tre shtetas janë vënë në prangat e policisë së Lushnjes, pasi dyshohen të jenë autorë të disa vjedhjeve në këtë qyetet. Uniformat blu bënë me dije se në kuadër të operacionit policorë Trio, në pranga janë vënë Niko Zaimi, 36 vjeç, (i dënuar më parë për vjedhje), Erion Kondi, 40 vjeç dhe Klaudjo Myrtja, 27 vjeç, të tre banues në Fier. Sipas poliicsë, këta shtetas, kanë grabitur 2 biznese dhe 1 banesë. Përvec kësaj, këta të tre dyshohet të kenë kryer 3 vjedhje të tjera në Lushnje, mirëpo ky detaj nuk është ende i konfirmur nga ana e policisë. Nga veprimet e shumta herimore, rezulton se gjatë muajit maj dhe gusht, këta të tre kanë vjedhur sende me vlerë, shuma parash dhe orendi shtëpiake në 3 banesa. Shërbimet policore bënë me dije se kanë sekuetruar 3 mijë e 830 euro, 40 paund, 125.200 lekë të rinj, disa bizhuteri, 3 aparate celularë, paisje këto që përdoreshin nga autorët për të kryer vjedhjet si dhe automjetin i cili gjithashtu përdorej nga këta shtetas për të kryer vjedhjet. Ndërkohë, vijon puna për dokumentimin e rasteve të tjera të vjedhjeve të kryera nga këta shtetas. Materialet i kaluan Prokurorisë pranë Gjykatës së Shkallës së Parë Lushnjë, për veprën penale “Vjedhja” e kryer në bashkëpunim.