President Joe Biden po përgatitet të shpallë masakrën e rreth një milionë armenëve nën perandorinë otomane, një gjenocid, këtë javë, duke rreizkuar këhstu një carje akoma më të madhe me Turqinë, por duke përmbushur një premtim elektoral për tu shprehur si president për vrasjet masive pasi më herët, paraardhësit e tij, nuk e kanë bërë këtë. Dy persona të afërt me presidentin thanë se ai do ta bënte deklaratën në kuadër të ditës së kujtesës, që shënohet të shtunën. Të dy ata sidoqoftë thanë se ka gjasa që ai të ndryshojë mendjen deri atëherë dhe të lëshojë një deklaratë ku e njeh eventin si të rëndë por pa e cilësuar gjenocid. Qeveria turke shpesh paraqet ankesa kur qeveri të huaja e cilësojnë eventin, që nisi në 1915, duke përdorur fjalën gjenocid. Ata pretendojnë se ajo ishte një kohë lufte dhe humbje kishte në të dyja palët. Ankaraja flet po ashtu për rreth 300 mijë viktima mes armenëve. Presidentët Barak Obama dhe Donald Trump, kanë evituar të përdorin fjalën gjenocid për të mos zemëruar turqinë. Por, Biden ka thënë se marrëdhëniet me turqinë dhe presidentin e saj, që kohët e fundit janë përkeqësuar, nuk duhet të pengojnë përdorimin e një termi që do ti jepte vlerë vuajtjes së armenëve më shumë se një shekull më parë dhe do të sinjalizonte një angazhim ndaj të drejtave të njeriut sot.