Një 23-vjeçar është gjetur i mbytur pa shenja dhune në lumin Shkumbin. I riu i identifikuar me inicialet A.K., ishte larguar nga banesa prej 4 ditësh dhe familja I ishte drejtuar policies, duke referuar rastin dhe njoftuar mungesën e kontaktit me të riun. Gjatë mbrëmjes së të premtes, policia bën me dije se ka gjetur 23-vjeçarin, por pa shenja jete. Nga deklarimet e familjarëve dyshohet se viktima vuante nga sëmundja e epilepsisë. “Më datë 27.08.2021, rreth orës 19:00, në fshatin Hotolisht, Librazhd, në lumin Shkumbin është gjetur i mbytur pa shenja dhune shtetasi A.K., 23 vjeç, banues në fshatin Spathar, Librazhd i cili është larguar nga banesa më datë 23.08.2021”, deklaron policia në njoftimin zyrtar. Grupi hetimor vijon punën për zbardhjen e plotë të ngjarjes dhe rrethanave që çuan në vdekjen e të riut.