Rikthehet në Shëngjin festivali i përvitshëm Unum festival, që vetëm vitin e kaluar nuk u zhvillua për shkak të pandemisë. Një ndër festivalet më të mëdha botërore, i cili mbledh artistë me famë ndërkombëtare për të luajtuar muzikë elektronike ka startuar në Shëngjin. Mijëra të rinj nga Shqipëria janë mbledhur për të shijuar muzikën elektronike. Unum Festival këtë vit vjen me 75 artistë me famë botërore për t’u dhuruar të rinjve në bregdetin shqiptar 5 ditë dhe netë të paharrueshme. Plot 6 mijë të rinj e të reja kanë ardhur nga Italia, Belgjika, Gjermania, Franca, Holanda, Zvicra nga rajoni e nga përtej Europës dhe kanë mbërritur në vendin tonë për të shijuar jo vetëm muzikën elektronike, por edhe turizmin e Shqipërisë. Ardhja e turistëve nga e gjithë bota, pas një viti pandemi me Covid-19 i cili “gjunjëzoi” ekonominë e Shqipërisë është një ogur i mirë për turizmin. Në faqen zyrtare të Unum në Instagram, vihet se bregdeti është “pushtuar” nga të rinjtë që e adhurojnë muzikën elektronike, teksa shihen duke kërcyer dhe duke e shijuar muzikën në makimum.