Pas asaj të Kurbinit, as Prokuroria e Posaccme nuk ka një qëndrim në lidhje me zhdukjen e Ervis Martinajt. Në SPAK, Martinajt po i hetohen pasuritë, ndërsa dosja e zhdukjes së tij është në Prokurorinë e Kurbinit. Në një bashkëbisedim informal me gazetarët, kreu i SPAK, Altin Dumani tha se nuk mund të japë përgjigje nëse atentati në Don Bosko ka ringjallur, apo jo Ervis Martinajn, por foli për hetimin pasuror që ka nën kompetencë struktura që ai drejton. “Nga ana jonë janë ndërmarrë veprime hetimore, tha Dumani. Kemi sekuestruar pasuritë dhe kemi pistat tona edhe sa i përket hetimit të kësaj çështje. Janë dërguar aktet në gjykatë dhe dosja hetimore nga ana jonë’, vijoi ai.