Një shkëmbim i një ngarkese të vogël prej një kilogrami kokainë është ndaluar nga policia italiane, nga ku mbetën të arrestuar dy shtetas me kombësi shqiptare. Policia e Bolonjës, zhvilloi një operacion pas lëvizjeve të dyshimta të makinave me të cilat lëviznin shqiptarët. Pasi u arrit të bllkohej shkëmbimi i drogës, karabinierët shkuan në banesat e dy shqiptarëve për kontroll, ku gjetën edhe atje sasi më të vogla, kokaine, si dhe disa para, që dyshohet se janë përfituar nga aktiviteit kriminal i drogës. Dy shqiptarët u dërguar në paraburgim, ku do të qëndrojnë të paktën deri në seancën dëgjimore për të vërtetuar nëse arrestimi i tyre është i ligjshëm. Njëri nga shqiptarët, konkretisht blerësi i lëndës narkotike, rezulton më precedentë të mëprashëm penal. Sipas mediave italiane, kjo nuk është hera e parë që shtetas shqiptar ndalohen në këtë zonë, me sasi droge, sidomos kokainë. Madje sipas mediave fqinje janë shqiptarët ato që kontrollojnë pjesën më të madhe të tregut të zi të trafikimit të kokainës, duke punuar si grup i strukturuar kriminal. Trafikantët, thuhet se kanë partneritet të fortë sidomos me 'Ndrangheta', ku aktivitetin e tyre e zhvillojnë kryesisht në Europën Veriore ku ngarkesat vijnë nga Amerika e Jugut të cilat më pas shpërndahen në shtete të ndryshme, përfshirë Italinë.