Detaje të reja janë zbardhur nga hetimet për atentatin e Don Boskos. Burime nga grupi hetimor bëjnë me dije se autorët kanë qenë të paktën 3 persona, njëri në rolin e shoferit dhe dy në rolin e qitësve. Sapo automjeti ka mbërritur përpara lokalit, dy atentatorët kanë zbritur nga makina dhe kanë qëlluar nga jashtë me kallashnikovë në drejtim të lokalit. Më pas ata janë larguar me shpejtësi nga vendi i ngjarjes me mjetin tip BMV autoveturë që u gjet i djegur në Manëz. Gjithashtu mësohet se po kqyren kamera sigurie të zonës, që mund të kenë kapur lëvizjet e autorëve, ndërsa kamerat e sigurisë të lokalit nuk ishin funksionale pasi ishin shkëputur në kuadër të operacionit Fijet. Policia e Tiranës mëngjesin e kësaj të hëne gjeti një automjet të tipit BMË X5 të djegur në zonën e Manzës në Tiranë. Në brendësi të tij, u gjetën tre kallashnikovë. Armët dhe automjeti u sekuestruan nga policia shkenore, ndërsa do përdoren si materiale për hetimin.