Pesë shoferë janë vënë në pranga nga Policia Rrugore e Tiranës, në 24 orët e fundit, të cilët u kapën duke drejtuar mjetin në gjendje të dehur. Nga ana tjetër, janë 34 patenta të pezulluara, teksa policia ka monitoruar rrugët e kryeqytetit, për ndëshkimin e shoferëve që nuk respektojne rregullat e qarkullimit. Në njoftimin zyrtar, Policia Rrugore bën me dije se janë përdorur mjetet inteligjente, radarët, droni ‘edukues’ dhe testet e alkolit, për ndëshkimet e 24 orëve të fundit.