Prokuroria e Tiranës kërkon sekuestrimin e 6 pasurive të Altin Gegës dhe familjarëve të tij. Ky I fundit u arrestua më 27 korrik të vitit 2021 për “Prodhim dhe shitje të lëndëve narkotike”. Altin Gega u vu në pranga, së bashku me 4 persona të tjerë, pasi shpërndanin kokainë duke e fshehur në kuti picash, aktivitet që e zhvillonin në biznesin e Gentian Kores, në rrugën “Kujtim Laro”. Bëhet fjalë për mijëra metër katrorë tokë dhe njësi shërbimi, në pronësi të shtetasit në fjalë dhe familjarëve të tij. Sipas hetuesve, ka dyshime të forta se Gega ka patur lidhje me grupe kriminale në Tiranë, i fokusuar kryesisht në shpërndarjen e drogërave dhe transportin e mallit të llojit kanabis e kokainë.