Vijon puna nga ana e policisë për parandalimin dhe goditjen e paligjshmërisë. Në pranga është vënë një 33 vjecar, pasi dyshohet se përgatiste kokainë në doza të vogla dhe i shiste në qytetin e Beratit. Bëhët fjalë për shtetasin Ardit Bajrami. Gjatë kontrollit të ushtruar nga policia në banesën e tij, këtij shtetasi iu gjetën dhe iu sekuetruan në cilësinë e provës materiale, peshorja elektronike, me të cilën 33 vjecari peshonte qeset e drogës, disa doza kokaine si dhe një shumë parash, që dyshohet se ai e ka fituar nga shitja e drogës. Shërbimet policore njoftuan se Bajrami do të hetohet nga Prokuroria e Beratit për “prodhim dhe shitje të narkotikëve”. Ndërkohë, një 36 vjecar me precedentë të mëparshëm kriminal në fushën e armëmbajtjes pa leje, të vjedhjes dhe kultivimit të narkotikëve, është vënë në pranga nga policia e Kurbinit. Bëhet me dije për shtetasin Ritvan Keqi, banues në fshatin Gurëz, Kurbin. Ky shtetas dyshohet se mbrëmjen e 26 qershorit të këtij vitit, ka vjedhur një automjet tip "Benz", në pronësi të nje shtetasi, i cili është banues po në Kurbin. Materialet i kaluan Prokurorisë së Rrethit Gjyqësor Kurbin për veprime të mëtejshme, për veprat penale "Kultivimi i bimëve narkotike" dhe "Vjedhja ".