Shqipëria është një ndër vendet që ka përqindje relativisht të ulët të kërkimeve në internet për shëndetin. Bazuar në të dhënat e Eurostat, 33% e shqiptarëve të moshës 16-74 vjeç përdorën internetin për të kërkuar në Google informacione që u takojnë çështjeve të shëndetit në vitin 2020. Edhe pse të ndodhur në një kohë ku cështjet e shëndetit janë kthyer në prioritet për shkak të koronavirusit, shqiptarët kanë shfaqur një indiferëncë krahasuar me shtetet e tjera të Evropës. Interneti konsiderohet si burimi më i shpejt i informacionit dhe për këtë arsye edhe njërëzit kërkojnë fillimisht të gjejnë zgjidhje për problematikat e tyre aty. Një në dy shtetas të Bashkimit Europian, të moshës nga 16-74 vjeç raportuan se kishin kërkuar ne Google informacione shëndetësore si për sëmundje, ushqimin apo kujdesin për shëndetin. Metoda më e mirë për të gjetur zgjidhje për problematikat e tyre apo edhe për të përcaktuar shkakun e simptomave, mendojnë shqiptarët, nuk është interneti pasi shpësh herë sjell konfuzion për individët. Asnjë burim në internet nuk e zëvendëson konsultën me mjekët, por gjithsesi interneti është një mjet i vlefshëm për të përmirësuar mënyrën e jetesës.