Mbretëresha e Anglisë, mbush sot 95 vjec, por njoftohet se festimet do të mungojnë, për të respektuar zinë e vdekjes së bashkëshortitt të saj Princ Philipit. Kujtojmë që Princi Philip, ndërroi jetë më 9 prill në moshën 99-vjeçare. Për shkak të kufizimeve të Covid-19, mbretëresha u ul e vetme gjatë shërbimit të princit Philip, të cilin ajo e ka përshkruar si “forca dhe qëndresa” e saj. Elizabeth, e cila është monarkja më e vjetër në të gjithë botën, do të qëndrojë në kështjellë për ditëlindjen e saj, e cila tradicionalisht festohet me ceremoni. Sidoqoftë këtë vit, me mbretërit që do të jenë dy javë në zi, nuk do të ketë përshëndetje me armë nga Kulla e Londrës dhe as në parkun Hyde të kryeqytetit ku zakonisht festohet ditëlindja e saj. Elizabeth, e cila lindi në 21 prill 1926, në Bruton Street, në Londrën Qendrore, u rrit duke mos pritur të bëhej mbretëreshë. Ajo u ngjit në fron në 1952 në moshën 25-vjeçare dhe tejkaloi stër-gjyshen e saj Mbretëresha Victoria si monarkja me mbretërimin më të gjatë në Britani në shtator 2015. Elizabeth është gjithashtu mbretëresha e 15 ish-kolonive britanike duke përfshirë Kanadanë, Australinë dhe Zelandën e Re