Skema e subvencionit të qeverisë për heqjen e taksës së akcizës për naftën e fermerëve mesa duket është tashmë një process pa kthim. Deri më sot janë 20 mijë e 561 fermerë, të cilët janë bërë pjesë e kësaj skeme lehtësuese. Aplikimet u kryen nga fermerë të të gjitha qarqeve të vendit, por numri më i madh i tyre është në qarkun e Korcës, Fierit, Beratit, Elbasanit, Dibrës dhe Tiranës. Në bashkëpunim me Agjencia Kombëtar e Shërbimit të Informacionit është ndërtuar një sistem online, nga ku fermerët kryejnë aplikimin dhe ai mbetet atje përgjithmonë, pasi kjo skemë subvencioni është menduar të vazhdojë edhe në vitet në vijim. Deri më tani, 12 për qind e fermerëve janë pajisur me kartat e naftës. Tërheqja e kartës bëhet në cdo pikë të Agjencisë së Ekstensionit Bujqësor në disa qarqe të vendit. Këtë vit janë shpenzuar 10 milionë dollarë për skemën e naftës, ndërkohë që qeveria është zotuar, që nëse fiton mandatin e tretë kjo shifër të arrijë në 50 milionë dollarë. Me mbylljen e aplikimeve në portalin e-albania të fermerëve të regjistruar me NIPT, paralelisht me shpërndarjen e kartave, vijon shqyrtimi i dokumentacionit të vetëdeklaruar në e-albania. Implementimi i kësaj skeme, krahas të tjerash ka ndikuar pozitivisht në formalizimin e fermerëve, nëpërmjet regjistrimit në qnedrën kombëtare të biznesit dhe pajisjes me NIPT.