Presidentja e Kosovës, Vjosa Osmani, ka kërkuar pjesëmarrje masive nga qytetarët për të votuar në zgjedhjet e sotme lokale. Pasi votoi në Prishtinë, ajo tha se shpreson që procesi zgjedhor të jetë i rregullt, pasi kështu forcohet edhe demokracia e vendit. Osmani: Sot është një ditë e rëndësishme për demokracinë e vendit tonë “Sot është një ditë e rëndësishme për demokracinë e vendit tonë. Sa më masive pjesëmarrja në procese zgjedhore, sa më i rregullt dhe lirë procesi zgjedhor aq më e forte do të jetë demokracia jonë. I uroj suksese atyre që po marrin pjesë në këto zgjedhje por mbi të gjitha shpresoj që ky do të jetë një proces me rezultate në të mirë të qytetarëve tanë. Një proces ku vota mbrohet dhe do të jetë e lirë dhe si rezultat Kosova do të dalë edhe më e fortë nga zgjedhjet. Shpresoj që qytetarët ta shfrytëzojnë këtë të drejtë” Presidentja Osmani foli edhe për ndërhyrjen e Serbisë në procesin zgjedhor në Kosovë, pasi u pyet për mbledhjen e qytetarëve nga Lista Serbe në Mitrovicë të Veriut që të votojnë në mënyrë të organizuar.