Rreth 99 milionë euro humbje, ka pësuar Kosova gjatë vitit 2025, si shkak I bllokadës institucionale dhe politike disamujore. Ka qenë kryeministri në detyrë Albin Kurti, I cili ka bërë me dije se Kosova humbi 10 % të totalit prej 882 milionë euro nga Plani i Rritjes, ndërsa për shkak të afateve rrezikon seriozisht edhe marrëveshjen në vlerë 90 milionë euro me Bankën Botërore. Pasojat sipas mediave në Kosovë, mund të thellohen nëse nuk ka formim të shpejtë të institucioneve pas zgjedhjeve të reja, apo nëse deri në fund të Shkurtit nuk bëhet zgjatja e buxhetit aktual edhe për muajin e tretë ose miratimi i të riut. Sakaq, shtetet e tjera të Ballkanit Perëndimor, kanë marrë mjete financiare të vëna në dispozicion të Planit të Rritjes së BE. Shqipëria deri tani ka përfituar 164 milionë euro, Serbia 111 milionë euro, Maqedonia e Veriut 76 milionë euro dhe Mali i Zi 45 milionë euro. Bashkimi Evropian synon që përmes planit të rritjes të integrojë vendet e Ballkanit Perëndimor në tregun e vetëm të BE-së si dhe të stimulojë reformat e nevojshme që lidhen me unionin,