“Serbia po e përsërit vazhdimisht krimin, duke mohuar të vërtetën”, ka shkruar presidentja e Kosovës Vjosa Osmani në Ditën Ndërkombëtare për Përkujtimin e Viktimave të Zhdukur me Dhunë. Në një postim në FaceBook, ajo thotë se mbi 1600 persona janë zhdukur me dhunë gjatë luftës së fundit në Kosovë, shumë prej tyre fëmijë dhe se Serbia pi shkel marrëveshjet e arritura duke mbajtur mbyllur arkivat. “E vërteta nuk mund të fshihet prapa propagandës se kinse Serbia qenka pro paqes dhe pro integrimit në BE. E vërteta është një dhe e vetme: në vitin 2024, Serbia ende fle mbi varreza masive të civilëve të pafajshëm”, mbyll postimin Osmani. Sakaq, një ditë më parë kryeministri Albin Kurti tha se kanë filluar përgatitjet për gërmime në Kozhle në Serbi, në kërkim të personave të zhdukur gjatë luftës së fundit në Kosovë. Kurti ribëri thirrje që Serbia t’i hapë arkivat shtetërore. Ai dek;laroi se Kosova ka bërë kërkesa zyrtare për hapjen e arkivës së Brigadës 37 të motorizuar të ushtrisë jugosllave, "përgjegjëse për shumë masakra në Kosovë, sidomos në Drenicë".