Pas ndalesës së parë të turit ballkanik, në Serbi, komisioneri i lartë për zgjerim dhe Fqinjësi, Oliver Varhelyi ka mbërritur në aeroportin e Riansit, ku është pritur nga kryeministri Edi Rama. Fokusi kryesor i vizitës së komisionerit europian është fuqizimi i Shqipërisë për të përballur situatën pandemike të koronavirusit, nëpërmjet financimit të dozave të vaksinave anticovid. Kryeministri Edi Rama, në konferencën e përbashkët për shtyp, e cilësoi Varhelyin si zërin e arsyes për të sjellë vaksinat në Shqipëri dhe në Rajon si dhe shtoi se deri në muajin gusht shqipëria do të marrë pjesën e saj të vaksinave nga Bashkimi Europain. Ka arritur ta materializojë një punë të tij disa mujore dhe natyrisht në mbështetjen e Presidentes Von der Leyen duke përcaktuar 651 mijë doza të vaksinës Pfizer të shpërndara për vendet e rajonit. Prandaj unë dua t’i shpreh mirënjohjen dhe dua ta falënderoj edhe publikisht për këtë kontribut të jashtëzakonshëm në këtë kohë të jashtëzakonshme dhe nga ana tjetër dua të nënvizoj faktin se falë komisionierit, KE u rikthye si motor i solidaritetit jo vetëm për planet e rimëkëmbjes, por edhe për vaksinimin e vendeve evropiane përfshirë në këtë rast 6 vendet e rajonit tonë.