Policia kufitare e Rinasit ka goditur një rast të kalimit me dokumenta të falsifikuara, duke vënë në pranga 3 persona. Bëhet fjalë për 3 qytetarë nga Kosova, të cilët tentuan të kalonin kufirin me dokumente të falsifikuara. Ata janë Luis Idrizaj 24 vjeç, Shpejtim Hyselekaj 26, vjeç dhe Petrit Avdimetaj, 27 vjeç. Arrestimi i tyre u bë pasi këta shtetas janë paraqitur te sporteli policor në kabinat e daljes nga Republika e Shqipërisë, pasi do të udhëtonin në drejtim të Gjermanisë, dhe te sporteli kanë paraqitur, lejet e qëndrimit te falsifikuara për në Gjermani, dhe pasaporat e tyre të cilat kishin nga një vulë të Maqedonisë së Veriut.