Kryeministri i Mbretërisë së Bashkuar Boris Johnson, ka njoftuar gjatë një konference për mediat në Londër se do të nisin kërkimet për anti viralë, që do të mund të trajtojnë sëmundjen e shkaktuar nga koronavirusi, COVID-19. Ai shtoi se deri në fund të vitit, vendi synon të ketë “së paku dy trajtime efektive në shtëpi”. Johnson tha se vaksinat kundër sëmundjes dhe testimi i rregullt janë gjëra kyçe për të rikthyer normalitetin deri në verë, por shtoi se Qeveria e tij do t’i mbështesë edhe kërkimet për terapi, që do të ndihmojnë luftën kundër pandemisë.