Top News – 22 agjentë të DEA me mision në Shqipëri/ ‘Luftë’ ndaj kokainës dhe krimit të organizuar

22 agjentë të DEA-s amerikane kanë zbarkuar tashmë në Shqipëri për të luftuar trafikimin ndërkombëtar të drogës dhe krimin e organizuar. Deri para pak kohësh, Shqipëria asistohej nga agjentë të DEA-s me seli në Greqi, por tani vendi ynë ka zyrën e saj të agjentëve ndër më të rëndësishëm të Amerikës. Rasti më i fundit ku ata morën pjesë në një aksion ishte kokaina e zbuluar në Frakull të Fierit, që me metoda speciale u mbajt nën vëzhgim për 3 muaj e gjysëm, nga Porti I Barit në Malin e Zi e deri në laboratorin e përpunimit në shtëpinë e ish-kreut të Komunës, Viktor Çernavaku.