Policia e Kosovës ka ekzekutuar urdhrin e Prokurorisë Speciale duke arrestuar pesë serbë, si të dyshuar për përfshirje në krime lufte rreth 25 vite më parë. Ata dyshohen se janë përfshirë në vrasje, plagosje dhe keqtrajtimin e civilëve në 3 fshatra gjatë luftës në Kosovë. Ne njoftimin e prokurorisë speciale thuhet se këta persona, te veshur me uniforma jo të rregullta të policisë apo ushtrisë serbe vranë, plagosën dhe dogjën për së gjalli civilët shqiptarë, më 5 prill të vitit 1999. Zyra për Kosovën në qeverinë e Serbisë, mohoi që të arrestuarit të jenë përfshirë në krime lufte dhe akuzoi kryeministrin e Kosovës, Albin Kurti se po vazhdon të terrorizojë popullin serb në Kosovë. Presidenti i Serbisë, Aleksandar Vuçiç reagoi ashpër, duke e cilësuar arrestimin e serbeve si provokim të qëllimshëm nga autoritetet në Kosovë. Vuçiç kritikoi nderkombetaret, duke e cilësuar te mjerueshme heshtjen e tyre perballe veprimeve te urdhëruara sipas tij, nga kryeministri Albin Kurti.