Tre njerëz janë raportuar të vdekur dhe më shumë se 100 janë plagosur teksa zjarrfikësat luftojnë flakët që kanë rrethuar një rezort turistik në Antalia, ne brigjet juglindore të Turqisë. Autoriteti i Menaxhimit të Emergjencave tha se tre persona humbën jetën dhe 122 të tjerë u prekën nga zjarret në qarkun Manavgat. Trajtimi mjeksor i 58 personave vazhdon në spitale, shtoi AFAD. Shumë shtëpi, hambare, tokë bujqësore, serra dhe automjete u dëmtuan për shkak të zjarrit, tha agjencia duke shtuar se 12 ekipe po kryejnë aktualisht vlerësimin e dëmeve.