Vullkani i malit Sinabung ka shpërthyer sot në Indonezi, duke ngritur një kolonë të frikshme tymi e hiri në qiell. Agjencia gjeologjike e provincës së Sumatra tha se shpërthimi kishte zgjatur vetëm 12 minuta dhe se nuk kishte rrezik ose nevojë për evakuime. "Materiali vullkanik arriti lartësinë 4,500m lart në ajër dhe qëndroi për një kohë të gjatë në këtë formë ," tha kreu i agjencisë së monitormit Armen Putra, për rrjetin AFP. Autoritetet shtonin se disa orë më vonë shtëllunga ishte zhvendosur 1,000m larg majës së shpërthimit. Ata nuk dhanë urdhra evakuimi pasi mbetjet e lëshuara nuk arritën komunitetet e afërta dhe nuk raportoheshin as trazira në fluturimet në zonë.