Policia e shkodrës ka arrestuar dy të rinj pasi ata kishin vjedhur një dyqan ku riparoheshin dhe tregtoheshin celularë. efektivët vunë në pranga një 19 vjecar ndërkohë që një minoren për shkak të moshës po ndiqet në gjendje të lirë. policia e ka zbradhur vjedhjen përmes kamerave të sigurisë të dyqanit që kapën dy të rinjtë në flagrancë duke grabitur dyqanin. Shërbimet e Komisariatit të Policisë Shkodër, menjëherë pas marrjes së njoftimit për një vjedhje me thyerje, në një biznes (servis celularësh), në lagjen “Vojo Kushi”, Shkodër, kanë organizuar punën me qëllim zbardhjen dhe dokumentimin e plotë, me prova ligjore të këtij rasti, si dhe për nxjerrjen para përgjegjësisë penale të autorëve të tij. Këta 2 shtetas, në bashkëpunim me njëri-tjetrin, më datë 06.12.2022, në lagjen “Vojo Kushi”, Shkodër, kanë thyer xhamin e derës së një biznesi privat (servis celularësh) ku kanë marrë disa celularë dhe pajisje të tjera elektronike. Në vijim, në kuadër të operacionit “Shop”, është ushtruar kontroll në banesat e këtyre shtetasve, ku janë gjetur 9 aparate celulare të markave të ndryshme, pajisje të tjera elektronike, një pistoletë manovër, si dhe një sasi lënde narkotike kanabis, e ndarë në doza.