Gjithë komuniteti i Ierapetrës në Lasithi të Kretës juglindore është tronditur nga tragjedia e ndodhur në orët e para të mëngjesit në vendin e quajtur Agia Fotia, afërsisht 15 kilometra nga qyteti i katërt më i madh i ishullit. Një turiste 47 vjeçe nga Slovenia ka humbur jetën, ndërsa djali i saj 10 vjeç dhe bashkëshorti 51 vjeç janë plagosur nga një rrëshqitje dheu që ka mbuluar komplet dhomat e tyre ku ata kalonin pushimet, pikërisht ditën e fundit para se të ktheheshin në shtëpinë e tyre.