Kryeministri Edi Rama ka vizituar mëngjesin e sotëm lagjen “Rilindja” në Fushë-Krujë, aty ku po bëhet rindërtimi i banesave të cilat u shkatërruan nga tërmeti i 26 nëntorit. Ministri i Rindërtimit Arben Ahmetaj ka treguar se në këtë zonë po ndërtohen 124 shtëpi individuale dhe mbi 150 apartamente, si dhe ka theksuar se brenda fundit të shatorit do të jenë gati për të pritur qytetarët. Ndërsa kryeministri Edi Rama sërish nuk i ka kursyer edhe batutat me punonjësit e ndërtimit. Punëtori: Kam një demokrat këtu edhe çmendet, ia kam nxirë jetën. Rama: Demokrat? Po mbaji se mos na hidhen.