Tre ditë nga vetdorëzimi tek kolegët , ish zyrtari I policisë Henerigert Mitri doli para gjykatës për tu njohur me masën arrest me burg, shpallur në mungesë pesë muaj më parë. 47 vjecari dyshohet nga SPAK për korrupsion, shpërdorim detyre, kultivim kanabisi dhe lejim të lojrave të fatit që në dosje thuhet se I kreu gjatë kohës që mbante detyrën e drejtorit të Policisë Lezhe. Si provë SPAK ka komunikimet në sky ecc të ish drejtorit që komunikonte me vartësin e tij Klodian Shahini , për të konfirmuar hartën se ku do të kryheshin patrullimet nga ajri por duke shmangur parcelat e grupeve kriminale. EPisodi tjetër është ai I bashkëpunimit të zyrtarit të policisë me Pëllumb Gjokën , I arrestuar në dosjen Metamorfoza të cilin e garantonte për llotot. Këto të dhënat deklaron SPAK përfitohen nga bisedat me Gjokës dhe një zyrtari tjetër të policisë identifikuar si Oltion Bistri, ku Mitri I përmendur si “Gerti Drejtor”, nuk duhet ta kishte marrë përsipër pa marrë dakordësinë e eprorëve. Dosja revanshi permend 50 persona të dyshuar në ngjarje të ndryshume kriminale midis grupeve , të etura për të asgjësuar njëra tjetrën. Mes emrave të njohur janë Arben Ndoka, Durim Bami, Emiliano Shullazi, endrit Dokle, Fatrmir Hyseni dhe leonard e Erlis Duka.