“Edhe mua më kanë torturuar. Më kanë rrahur, pata dhimbje të mëdha, por e kapërceva”: Pengjet izraelitë të liruar nga robëria në Gaza, por që ende përballen me ankthin e tronditjen e thellë psikologjike, kishin shpresuar të gjenin mirëkuptimin e kryeministrit të tyre. Por një regjistrim audio i Benjamin Netanyahut, ua ka shtuar dhimbjen. Regjistrimi i publikuar nga mediat vendase, tregon distancimin e ftohtë të tij, që kujton abuzimet gjatë një rrëmbimi dhe sesi e gjeti vetë forcën ta kapërcente atë situatë. Ndërkohë e shoqja Sara ankohej që kishte pasur një jetë mjaft normale deri në momentin që u martua me kryeministrin më jetëgjatë në këtë post në historinë e shtetit hebre. Një nga gratë e marra peng nga militantët e Hamasit e u lirua në nëntor iu përgjigj duke thënë “se edhe ajo ksihte pasur një jetë normale deri në momentin që u rrëmbye”.