Serbia ka vazhduar me presion ndaj qytetarëve serbë të Kosovës, para zgjedhjeve të shtatë qershorit. Ditë më parë shtatë persona u arrestuan në Graçanicë nën dyshimet për presion, kërcënim e shantazh ndaj vullnetit të lirë të votuesve. Drejtori i Institutit për hulumtime të Luftës Hibrid, “Octopus”, Arben Fetoshi thotë se kjo ndërhyrje e Serbisë në procesin zgjedhor në Kosovë është strategji për të instrumentalizuar komunitetin serb. Kjo është strategji e njohur e Serbisë për instrumentalizimin e komunitetit serb në Kosovë, për shkak se ata vazhdojnë të përdorin si mjet politik kundër Republikës së Kosovës, kundër rendit kushtetues Ndërhyrja në zgjedhjet në Kosovës vjen përmes formave të ndryshme, e së fundmi me largimin nga puna në institucionet paralele të qytetarëve serbë që Lista Serbe i konsideron se nuk janë votues të saj. Fetoshi thotë se me anë të shantazhit, serbëve u mohohet e drejta e zgjedhjes së lirë të përfaqësuesve të tyre e shton se qëllimi i Serbisë është të mbajë të lokalizuar çështjen e Kosovës.