Kuvendi Komunal i Prishtinës ka miratuar bartjen e mjeteve vetanake të vitit 2024 në vitin 2025. Me vlerën prej 28 milionë eurove, Prishtina synon të shlyej borxhin nga operatorëve të transportit publik, në mënyrë që t’i japë fund grevës. Në këtë situatë të ndjeshme financiare dhe institucionale, prioritet absolut janë qytetarët e kryeqytetit. Asnjë kalkulim politik nuk guxon të vihet mbi nevojat e tyre. Fondet që po i trajtojmë sot do të shfrytëzohen menjëherë për funksionalizimin e ndërmarrjeve publike Përgjatë seancës së jashtëzakonshme të së enjtes pati diskutim e akuza mes anëtarëve të partive të ndryshme. Jemi këtu sepse qyteti është bllokuar. shërbimet kanë rënë, sepse punëtorët kanë mbetur pa paga, sepse autobusët janë ndalur, sepse një kryetar i papërgjegjshëm e ka çuar administrimin komunal në nivelin zero Me 38 vota për, asnjë kundër e vetëm një abstenim, u miratua pika që do t’u japë përgjigje punëtorëve të transportit publik që protestojnë tash e katër ditë. Pas kësaj mbledhjeje, kryetari i Prishtinës takoi protestuesit, të cilët thanë se punën e nisin kur t’u shlyhet borxhi. Presim nga ministri në detyrë i Financave që ta hapë këtë mundësi që t'i bëjmë pagesat të gjithë operatorëve, kjo na jep mundësi t'i paguajmë të gjithë "Protesta vazhon deri të alokohen paret. Topi është te ministria tash". Në rend dite ishte edhe miratimi i buxhetit për vitin 2026, por kjo pikë u shty dhe do të miratohet me asmablistët e rinj, të zgjedhur më 12 tetor.