Presidentja e Kosovës Vjosa Osmani theu heshtjen në lidhje me rezultatin e takimit të Ohrit, I cili u përshëndet nga SHBA-ja e BE-ja, por nga ajo vetë më sa duket është pritur me rezerva. Osmani tha sot se Kurtit i janë propozuar dokumente të tmerrshme, që sipas saj Kosova ka bërë mirë që nuk i ka pranuar. Me kryeministrin jemi takuar siç takohemi gjithnjë, edhe para takimit të kryeministrit në Bruksel edhe pas kthimit jemi takuar dhe kemi diskutuar në detaje para se të shkoj në Ohër.Jemi konsultuar edhe gjatë takimeve në Ohër, dhe jemi takuar edhe pasi ka përfunduar dakordimi në Ohër ku jemi njoftuar në detaje jo vetëm për dokumentet dhe versionet e ndryshme që kanë qenë para kryeministrit dhe delegacionit të Kosovës… Më duhet të them se këto janë versione të tmerrshme të cilat Republika e Kosovës ka bërë mirë që nuk i ka pranuar pavarësisht presioneve jashtëzakonisht të padrejta që e kanë trajtuar Kosovën në mënyrë shumë të pabarabartë në raport me palën tjetër. Osmani shtoi hapur se për të janë të papranueshme iniciativat e tilla nga faktori ndërkombëtar.”Ndonjëherë, për mua si president është e vështirë të besoj se dikush nga komuniteti ndërkombëtar mund te dale me te tilla propozime, tha ajo.