Dështimi i negociatave për zgjedhjen e presidentit të ri kur ka mbetur edhe një javë nga afati kushtetues e çon Kosovën më afër zgjedhjeve të parakohshme parlamentare. Lëvizjen Vetëvendosje, të hënën e refuzuan dy partitë opozitare, Lidhja Demokratike e Kosovës dhe Partia Demokratike e Kosovës, me arsyetimin e oferta ishte joserioze. Por, kreu i partisë së parë, Albin Kurti thotë se oferta e tij ishte gjeneroze. Oferta jonë është shumë gjeneroze, por nuk janë të interesuar të zhbllokojnë, po sillen thua se është viti 2025 kur e mbani mend në ato seancat kur nuk votohej Albulena Haxhiu, ka kalu viti 2025, jemi 2026 E i pyetur se pse ofroi pozitën e kryeparlamentarit e jo postin e presidentit, Kurti tha se nuk ua ka dhënë populli. S'ja ka dhënë populli, o vëlla. Po qysh me ja dhanë unë, kur s'ja ka dhënë populli. Demokracia nënkupton vullnetin e popullit, në epiqendër, jo pazarin Partitë opozitare, të martën insistuan se Kurti dhe Lëvizja Vetëvendosje nuk ishin serioz dhe të sinqetë në oferta, sipas tyre, të gjitha janë kalkulime politike që vendin e çojnë në krizë. Nuk ka pas seriozitet nga partia fituese dhe z. Kurti që vendi duhet të ketë president, nuk është trajtu me korrektësi qasja pozitive e Partisë Demokratike të Kosovës Tani loja e numrave, e renditjeve, kalkulimeve, është lojë politike dhe kjo qasje, kjo mendësi, Kosovën po e mban në qarkun e mbyllur të krizave politike tash e dy vjet e gjysmë së paku, dhe po paralajmëron krizë të re Nuk ka ofertë për asnjë parti opozitare, as për PDK-në, as për LDK-në, s'janë oferta këto, janë lojë fjalësh me hargju kohën, deri në ditën kur shpallen zgjedhjet Nëse deputetët e Kuvendit të Kosovës dështojnë të zgjedhin presidentin e ri deri më 28 prill, vendi shkon në zgjedhje të parakohshme parlamentare.