Të shtunën, Komisioni Qendror i Zgjedhjeve shpalli rezultatin përfundimtar të zgjedhjeve lokale në 35 nga 38 komunat e Kosovës. Në Prishtinë, Junik e Mamushë, rezultatet do të shpallen pas përfundimit të shqyrtimit të ankesave. Për 14, prej 35 komunave ku u shpall rezultati përfundimtar, anëtarët e Lëvizjes Vetëvendosje votuan kundër, pasi sipas tyre ka pasur manipulim të vullnetit të qytetarëve përmes votimit me asistencë. Sipas anëtarëve të Lëvizjes Vetëvendosje këto manipulime janë vërejtur në Han të Elezit, Kacanik, Mamushë, Malishevë, Kllokot, Ranillug, Partesh, Shtërpcë, Gracanicë, Novobërdë, Zvecan, Zubin Potok, Leposaviq e Mitrovicë të Veriut. Nga këto rezultate, 20 komuna e kanë përfunduar procesin e zgjedhjes së kryetarit, ndërkohë 15 të tjera do jenë në balotazh më 9 nëntor. Pritet që në balotazh të jenë edhe Prishtina, Juniku e Mamusha. Për rezultatet përfundimtarët kandidatët që gruan në këtë proces në këto 35 komuna kanë 48 orë afat për ankesë në Panelin Zgjedhor për Ankesa dhe Parashtresa dhe 72 të tjera për ankimim në Gjykatën Supreme.