Policia po verifikon për të parë nëse piloti grek që vrau gruan e tij 20 vjecare, mund të ketë lidhje edhe me vdekjen e mistershme të pronarit të një restoranti, i cili ishte miku i tij. Harallambos Anagnostopoulos e mbyti Caroline Crouch, me një jastëk në sytë e vajzës së tyre të vogël dhe u përpoq të devijonte hetimet e policisë nga vetja, nën pretendimin se krimin e kishte kryer një bandë fantazëm grabitësish të dhunshëm. Tani po verifikohet nëse Babis, sic njihej ndryshe, ka lidhje me vdekjen e 53 vjecarit Stavros Dogiakis, i cili u gjet i i pajetë në 22 qershor me një plagë plumbi në kokë. Fillimisht u mendua se bëhej fjalë për një vetëvrasje, por miqtë e 53 vjecarit pyesin sesi është e mundur qe ai kishte plagë edhe në kokë, dhe në gjoks. Dogiakis ishte fqinj i ciftit në Athinë, ndërsa Caroline dhe Babis e frekuentonin rregullisht restorantin e tij. Policia po fokusohet edhe tek të ardhurat e pilotit, që bënte pushime ekzotike, qëndronte nëpër hotele shumë të shtrenjta dhe kishte motocikleta mjaft të kushtueshme në një kohë kur rroga e tij ishte 3 mijë euro në muaj. Vendosja e 32 vjecarit në seksionin e krimeve jo të dhunshme të Koridhalosë ka shkaktuar zemërim në radhët e publikut. “Jeni cmendur? Ky njeri vrau gruan, vrau qenin e familjes, gënjeu policinë për 6 javë rresht dhe ju e vendosni në qeli VIP-ash”, pyeti i acaruar një shikues që i telefonoi një televizioni grek.