Top Channel/ I ndizen motorrët papritur, moduli rus vë në rrezik Stacionin Hapësinor Ndërkombëtar!

Stacioni Ndërkombëtar i Hapësirës kaloi në një moment të vështirë pasi u destabilizua për pak kohë kur motorët e një moduli rus të sapoardhur janë ndezur pa dashje. Fatmirësisht, problemi u arrit të zgjidhej në kohë. “Ekipet e kontrollit kanë rregulluar këtë gjë dhe të gjitha sistemet janë duke punuar në mënyrë normale”, ka thënë Agjencia amerikane për Hapësirë, NASA. Zyrtarët amerikanë dhe ata rusë, kanë thënë se shtatë anëtarët që janë në stacionin hapësinor, nuk kanë qenë asnjëherë në rrezik. Problemi është vërejtur disa orë pasi moduli Nauka, ka arritur në Stacionin Ndërkombëtar të Hapësirës, pas tetë ditëve të fluturimit.