Westminsteri, zemra pulsuese e politikës britanike, është shumë e shqetësuar për sigurinë e sekreteve më të rëndësishme të qeverisë. Gjatë fundjaves, ish ministry i shëndetësisë Matt Hancock u detyrua të jepte dorëheqjen pas publikimit të fotove që e tregonin duke u puthur me këshilltaren e vet. Ai që po tmerron më shumë kolegët e vet, thotë CNN, nuk ishte fakti që Hancock nuk po puthte bashkëshorten e tij, apo që kishte shkelur cdo rregull të vetë ekzekutivit të tij për Covid 19. Jo, shqetësimi buron nga ideja që ato pamjen erdhën prej një kamera sigurie në zyrën e Hancock, dhe ai duket nuk ia kishte as idenë më të vogël që po filmohej. Pasojat e sigurisë konsiderohen aq të mëdha sa edhe partia Laburiste në opozitë po kërkon një rishikim të fortë të masave të sigurisë në të gjitha ndërtesat qeveritare. “Kjo nuk ka të bëjë me ekspozimin e hipokrizisë së Hancock, por me rreziqet gjigande që qeverisë i vijnë nga vetë zyrat e saj”, tha Conor McGinn, ministry laburist në hije i sigurisë.” Ekzekutivi duhet të urdhërohë menjëherë kontrollin e ndertesave kyce, dhe punonjësit e inteligjencës të verifikojnë për kamera të paautorizuara dhe përgjues. Po kështu t`i kushtohet vëmendje edhe spekullimeve mbi një kompani private e cila ka lidhje me Kinën dhe qasje në ambjentet e brendshme të Whitehall”, shtoi ai.