Për herë të parë mbahet në Tiranë Konferenca e Rrjetit Europian të Arkivave të Ish-Policive Sekrete, ku diskutohet mbi cështjet që lidhen me procesin e shqyrtimit të dosjeve e policisë sekrete. Qëllimi i këtij rrejti është shkëmbimi i eksperiencave në menaxhimin e dokumenteve të ish-policisë sekrete. “Përher e më shumë bindem që kjo punë që bëjmë ne është shumë e nevojshme për shoqërinë, është shumë e nevojshme të lidhemi me njëri tjetrin. Do doja që kjo lëvizje të shtohej. Do doja shumë që Kroacia, Maqedonia, Kosova të kishin të njëjtat lëvizje, të njëjta institucione. Besojë që aq perpjekje sa harxhohet për luftë, një fraksion të harxhohet për paqen dhe të drejtat e njeriut dhe për projekte reflektuese si këto tonat, bota do ishte më e mirë.” Mes diskutimeve mbi arkivat e ish-policive sekrete, mbajti fjalë dhe Ambasadori Gjerman në Shqipëri. “Është e rëndesishmë për mbarëshoqërinë që të shërohet dhe të kuptojë të shkuarën dhe mekanizmat e funksionimit të atij sistemi por dhe të krijojmë kulturën e kujtesës dhe përballjes me të shkuarën brenda shoqërive tona.” Nikolin Kurti është nipi i Dom Shtjefën Kurti, një klerik i krishterë i cili u ekzekutua në komunizëm. Ende sot e kësaj dite varri i tij nuk është gjetur. Permës autoritetit të dosjeve, ai ka mundur të hedhi dritë mbi atë cka ndodhur në të vërtet me xhaxhain e tij. “Pikërisht për raportet midis regjimit komunist dhe tij si person duhej një arshivë e Ministrisë së Brendshme. Me autoritetin e dosjeve të sigurimit të shtetit krijova një raport pune, bashkepunimi shumë të frytshëm dhe më dha rezultatet e veta. Aty ka gjëra të cilat me një arsyetim të hollë, të thjesht dhe inteligjent mund ta kuptosh saktë se cfarë ka ndodhur në atë kohë. Tematika e Konferencës së 16-të të Rrjetit Europian të Arkivave të Ish-Policive Sekrete, është “Vizion i përbashkët – asksione sinergjike” ku morën pjesë dhe përfaqësuesit e Autoriteteve Përgjegjëse nga Gjermania, Bullgaria, Republika Çeke, Sllovakia, Polonia, Rumania dhe Hungaria.