Caroline Crouch kishte mbajtur një ditar të koduar, të cilin hetuesit po e kontrollojnë me shpresen se aty mund të gjejnë detaje qe të hedhin më shumë dritë mbi raportin e 20 vjecares se vrarë në Greqi me bashkëshortin e saj. Babai i vajzës, David i beson disa prej shkrimeve në mediat greke që pretendojnë se Babis Anagnostopulos mund të jetë marrë më trafik lëndësh narkotike, cka do të shpjegonte dhe stilin tejet luksoz të jetesës që nuk justifikohej me rrogën e tij. “ Carolina kishte parandjenja të forta; ajo e kuptonte menjëherë nëse dicka nuk ishte në rregull. Ndoshta e ka zbuluar që i shoqi merrej me drogë, ndaj e kërcënonte më divorc”, ka thënë David. Babai i hidhëruar i 20 vjecares, jeta e së cilës u pre në mes në mënyrë tragjike, ka shpërthyer ndaj dhëndrit duke thënë se do ta kishte vrarë në vend që në fillim po ta dinte se cfarë i kishte bërë ai së bijës. Policia e mori pilotin gjatë ceremonisë mortore të Caroline, dhe deri në ato momente, prindërit e saj nuk kishin as idenë më të vogël që ai ishte vrasësi. “ Kur e mësova këtë më vonë, i vetmi peng që më mbeti ishte që nuk e kuptova vetë më parë. Do t`ia kisha këputur kokën aty në atë moment, pavaresisht pasojave” – tha David, i cili rrëfeu dhe momentin kur i dhanë lajmin e kobshëm të vdekjes së të bijës. “Ishte sikur një dorë e akullt hyri në kraharorin tim e ma shkuli zemrën. Ajo ishte dita më e keqe e jetës sime”, u shpreh ai.