Të paktën 50 vetë, përfshirë një nënë nga Teksasi me dy fëmijet e saj dhe tre qytetarë të tjerë amerikane rezultojnë të zhdukur që prej udhëtimit të tyre në atë që mediat e huaja kanë nisur ta quajnë “Autostrada e vdekjes” në Meksikë. Keto 6 muajt e fundit, ritmi i të zhdukurve në rrugën mes qendrës industrial Monterrey dhe qytetit kufitar Nuevo Laredo është shtuar ndjeshëm, duke mbjellë shqetësim dhe frikë. Familjarët kërkojnë ndërhyrjen e shtetit, ndërsa autoritetet lokale vetëm tani vonë njoftuan një program të përbashkët për zgjidhjen e këtij ngërci të madh. 6 burra janë rishfaqur pas zhdukjes dhe thonë se persona të armatosur i detyruan të ndalojnë në autostradë, i rrahën e i vodhën makinat. Nuk dihet sakaq se cfarë ka ndodhur me dhjetëra persona të tjerë, nese kane pasur apo jo edhe ata fatin e keq te perballen me te njejtin grup. Qyteti i Nuevo Laredos dominohet nga anetaret e mbetur prej kartelit të vjetër Zetas, te cilet janë të famshëm për dhunën e tyre. Në total gjysma e të zhdukurve, besohet të jenë qytetare apo rezidentë amerikanë. Shqetësimet kryesore rrethojnë 39 vjecare nga Teksasi, Gladys Perez Sanchez, dhe dt fëmijët e saj John Carlos Gonzalez, 16 vjec dhe Michelle Christina Duran, 9 vjece, të cilët janë parë për herë të fundit në 13 qershor pasi kishin vizituar të afërmit e tyre ne Sabinas Hidalgo ne Nuevo Leon.