Dy efektivë policie u plagosën në rajonin perëndimor Michoacán të Meksikës, kur mbi ta u lëshuan eksplozivë. Pak me vone u mesua se leshimi i lëndës plasëse ishte bere me dronë. Zyrtarët vendas janë të bindur se pas kësaj ngjarjeje të pazakontë qëndron karteli i fuqishëm e i dhunshëm Jalisco New Generation. Në muajin gusht, dy dronë të manipuluar u gjetën në makinën e anëtarëve të dyshuar të tij. duket se dronët me eksplozivë po kthehen në armën më të fundit të luftës deri në vdekje mes këtij kartelit të drogës dhe forcave vendasë të sigurisë. Nuk ka shumë detaje mbi episodin, por mediat lokale shkruajnë se u përdorën dy dronë. Efektivët e plagosur ishin duke lëvizur drejt qytetit të Aguililla, i cili është bllokuar nga që anëtarët e kartelit që po përpiqen t`i pengojnë policisë qasjen në zonë. Javët e fundit, me qindra banorë janë larguar nga Aguililla ku Jalisco dhe një grup rival, i mbiquajtur Kartelet e Bashkuara (Cárteles Unidos), po luftojnë mes tyre për kontrollin e qytetit. Në fillim të këtij muaji, tetë trupa të pajetë e të gjymtuar u gjetën në zonë pas një beteje të ashpër mes dy bandave rivale.