Një aksident me vdekje ka ndodhur mbrëmjen e së mërkurës në aksin rrugor Elbasan-Peqin. Dy makina janë përplasur me njëra-tjetrën në fshatin Karinë. Drejtuesi i njërit prej mjeteve ka ndërruar jetë ndërsa dy të tjerë kanë mbetur të plagosur. Policia bën me dije paraprakisht se aksidenti ka ndodhur për shkak të parakalimit të gabuar të njërit prej mjeteve në një kthesë ku është I vështirë shikimi sidomos gjatë natës.