Në Colorado të Shteteve të Bashkuara, është bërë virale videoja që tregon një polic teksa I thyen krahun 73 vjecares Karen Garner, por cudia më e madhe është se efekitvët e përfshirë në incident shumë shpejt mund të marrin një rritje rroge, thotë Neësëeek. Ngjarja ndodhi 26 qershorin e vitit të kaluar në Loveland. Garner, gjyshe me nëntë nipër e mbesa, kishte dalë nga një dyqan Walmart pa paguar për ushqimet e marra, totali I të cilave shkonte 14 dollarë. Ajo vetë pretendoi se ishte përpjekur të paguante, por stafi këmbënguli në të kundërtën. E hutuar, 73 vjecarja përsëriste vetëm se donte të shkonte në shtëpi. Por oficeri e përplas në tokë, e I vendos prangat. Avokatët e familjes së gruas ngritën padi ndaj tre policëve të përfshirë në arrestim. Aty thuhet se Garner pësoi fraktura, I doli shpatulla nga vendi, iu ndrydh kyci e pati mavijosje të shumta në trup. Sipas avokatëve, gruaja e moshuar vuante nga demenca, e për këtë arsye nuk ka mundur të shpjegohet si duhet për veprimet e saj. Në 16 mars sakaq, këshilli bashkiak I qytetit të Loveland miratoi një rritje rroge për disa pozicione në departamentin e policisë, e nga kjo do të përfitojnë edhe efektivët e hedhur në gjyq. Departamenti local I policisë njoftoi se nuk kishte qenë në dijeni të incidentit deri kur aktpadia e Garner u dorëzua këto ditë.