Bashkejetesa në komunitet dhe konfliktet që lindin mes banorëve që jetojnë në pallate duket se nuk kanë zgjidhur në shumë qytete të Shqipërisë. Edhe pse ka një ligj për të rregulluar bashkëjetesën në komunitet askush nuk e zbaton atë dhe qytetarët hasin probleme të shumta në pallate e ambiente të përbashkëta. Madje ka raste kur banore që braktisin shtëpitë e tyre, kthehen në rrezik për kompshinjtë, sepse askush nuk ka të drejtë të ndërhyjë në banesat e braktisura private, por ndërkohë dëmtohen apartamentet e tjerë të pallatit. I tillë është edhe rasti i zonjës Bianka Merko nga Berati. Ajo banon në një pallat ku komshiu i katit të fundit sipër znj. Merko e ka braktisur shtëpinë. Shtëpia e tij është e rrënuar totalisht dhe pa çati. Kjo sjell që shtëpia e Biankës është totalisht në lagështirë që i futet nga tavani dhe nga muret. Pallati nuk ka administrator dhe nga bashkia nuk është vënë një i tillë duke u shkelur ligji Nr.10 112, datë 9.4.2009 për administrimin e bashkëpronësisë në ndërtesat e banimit.