Pas rreth 5 muajsh, në skenën e teatrit “Migjeni” u ngjit shfaqja e parë. Aktivitetet kulturore – artistike, në ambiente të mbyllura nuk lejohen prandaj shfaqja “Kutia e zezë” e Paolo Genovese nën regjinë e Fatos Berishës, erdhi pa spektator. Vepra trajton një problem të madh social siç është fiksimi i njerëzimit pas teknologjisë. Qëllimi i kësaj shfaqjeje me dyer të mbyllura, është që menjëherë pas rihapjes se teatrove, ata të kenë gati diçka të re për publikun. Shfaqja nuk ka një datë se kur do të vihet në skenë per spektatorin, por shpresohet që në javët e ardhshme qeveria të marrë një vendim për të hapur teatrot.