Fiksi këtë mbrëmje transmetoi problemet që kanë ata pak banorë të mbetur tashmë në një nga fshatrat më të thellë të Beratit, fshati Levan. Ky fshat ka një rrugë të amortizuar gjë që ka bërë që nxënësit të mos frekuentojnë më mësimin edhe atë të detyrueshëm. Banorët u shprehen se ka mbi 20 vite që në rrugën e fshatit të tyre dhe rrugët e lagjeve nuk është vënë dorë. Me ftohjen e motit dhe reshjeve të shiut ajo pothuajse bëhet e pakalueshme. Nuk kanë munguar as aksidentet po me fëmijë në këtë rrugë, pikërisht duke shkuar në shkollë, por që fatmirësisht kanë shpëtuar paq. Fiksi shkoi në shtëpinë e disa prej këtyre fëmijëve që edhe pse nxënës të mirë e më dëshirë për të ndjekur shkollën e kanë të pamundur. Fiksi takoi edhe shoferin e furgonit i cili pohoi se gjedja e rrugës ishte tejet e keqe dhe se këtë vit kishte dashur ta mbyllte si punë, por me kërkesë e për respekt të prindërve e kishte marrë përsipër edhe këtë vit shkollor transportin. Administratori u shpreh për Fiksin se në Levan çdo gjë është normale si rruga ashtu edhe transporti i fëmijëve. I pyetur nga gazetarët se a e kishte vizituar së fundmi rrugën e fshatit ai tha " Po kam qenë dhe është normale".