Edhe pse prej dy muajsh tashme, mësimi ne sistemin parauniversitar në vendin tonë zhvillohet i kombinuar. Një pjesë të javës online dhe nje pjesë në bankat e shkollës, kjo nuk ka reflektuar në uljen e numrit të mësuesve të prekur me Covid-19. Në qarkun e Elbasanit janë 71 mësues pozitiv me Covid, 34 prej të cilëve vetëm në bashkinë e Elbasanit, e pasuar më pas nga bashkia e Gramshit me 11 mësues të prekur. Ndërkohë mësimi nuk është ndërprerë në asnjë nga shkollat në të gjithë qarkun, pasi me vendim të Ministrisë së Arsimit janë marrë masa për zëvendësimin e mësuesve të prekur. Vetëm në bashkinë e Elbasanit gjithashtu janë 11 nxënës pozitiv me Covid-19, shëndetësore e të cilëve paraqitet e mirë dhe e qëndrueshme, ata janë karantinuar nëpër banesat e tyre. Por tashmë vihet në pikëpyetje vendimi i Komitetit Teknik i Ekspertëve dhe i Ministrisë së shëndetësisë në lidhje me efikasitetin e mësimit online, apo edhe të uljes së numrit të mësuesve të prekur me Covid-19. Ndërkohë që shifrat përgjithësisht vijnë në rritje të numrit të të prekurve dhe po ashtu edhe të mësuesve të prekurve dita -ditës kjo do të thotë në gjetjen e një strategjie të re për zhvillimin e mësimit në bankat e shkollës apo online.